YFIRLIT

 Rally er hratt kappakstursspil þar sem hver og einn leikmaður er með sinn eiginn einstaka bíl. Engir tveir eru nákvæmlega eins. Þeir eru mismunandi að eiginleikum, sumir fara hraðar á meðan aðrir gefa fleiri stig í grunninn. Í upphafi þá fá leikmenn 3 leiðarsjöld. Markmiðið er að komast á staðin sem er sýndir á spjaldinu og þegar þangað er komið, þá er spjaldið sýnt og spilarar fá penning og stig samkvæmt spjaldinu. Eftir því sem spilarar safna meiri peningum, þa´geta þeir keypt uppfærslur fyrir bílinn sem gerir þeim kleift að fá fleiri stig, fara hraðar, eða jafnvel fara fjallaleiðir sem annars eru lokaðar. Það styttir leiðina á milli landsvæða að fara fjallaleiðirnar. Sigurvegarinn er sá spilari sem er fyrstur að komast yfir endamarkið, en spilarar geta spilað uppá hverjir verða næstir í röðinni kjósi þeir svo.

 SPILABORÐIÐ – BÆJIR VÍÐSVEGAR UM LANDIÐ

Spilaborðið sýnir rallystikuna, þar sem spilarar merkja við stigin sem þeir fá þegar þeir ná á sýndan áfangastað á leiðaspjaldinu. Spilaborðið sýnir ísland og nokkra helstu þéttbýlisstaði. Víðsvegar á „veginum“ eru tákn og ef spilarar kjósa að enda sína umferð þar þá geta þeir dregið rallýspjöld. Sum eru góð en önnur slæm. Á borðinu má líka finna svæði þar sem uppfærslurnar eru geymdar og kostnaðurinn við þær syndur. Leiðarspjöld og rallýspjöld hafa líka sín svæði á spilaborðinu.

INNIHALD

Rallýbílar: Hver og einn spilari er með sinn bíl sem fer mismunandi hratt og gefur mismörg stig. Spilararnir færa trébílinn sinn um veginn, samkvæmt færslutölunni sem er sýnd á bílaspjaldinu, 3 – 7 reitir. Þegar spilarar komast á áfangastað, þá sýna þeir leiðarspjaldið og fá rallýstig (svartur punktur) og peninga (rauður punktur) eins og sýnt er á spjaldinu.

Leiðarspjöld: Sýna spilurum hvert þeir eiga að fara. Spilar fá stigin og peningana sem eru sýnd. Ef áfangastaðnum var náð með sérstökum hætti eins og sýnt er á spaldinu (t.d. frá fjallaleið) geta spilararnir fengið bónus.

Rallýspjöld: Eru dregin þegar spilarar kjósa að enda sína umferð á reitunum. Spjöldin ýmist hjálpa eða refsa. Spjöldin eru um 70 / 30 góð eða slæm.

Uppfærslur: Þegar spilaranir hafa safnað ákveðnum upphæðum, þá geta þeir keypt sér uppfærslu. Kostnaðurinn er sýndir á spilaborðinu. Með uppfærslum fara spilarar hraðar eða þeir fá meiri pening.