YFIRLIT

Í Vikings, spila spilarar sem ein af höfðingjaættunum sem uppi voru á Sturlungaöld.

Á þessum tíma var róstursamt á landinu og höfðingjar að berjast um yfirráðin.

Markmiðið í spilinu er að klára markmiðin 3 sem spilarar draga í upphafi spils eða sigra alla andstæðingana sína.

Spilarar yfirtaka sýslur í nágrenni við ættaróðalið og fyrir það fá þeir skattpening sem þeir geta notað til að kaupa sér fleiri hermenn eða sjósett skip.

Spilarar færa herinn sinn með því að hreyfa berserkinn (pinnastandur), en með honum eru hermennirnir (hringirnir).

Í kringum landið eru stígar sem leikmenn færa sig um, en sumar sýslur eru líka með hafnir sem leikmenn geta notað sér í hag. Það má nota hafnirnar til að koma andstæðingnum á óvart með því að koma aftan af þeim.

Á ferð um landið þá geta leikmenn freistað gæfunnar og dregið rúnaspjöld. Sum gefa lukku á meðan önnur geta skaðað herinn.

Spilaborð – Íslandskort Abraham Ortelius anno 1590